Étiquette : الناس

سهام البارودي – كود//

بزاف د الفنانة عندنا مكلخين بزّاف ! دابا كون كانت شي تهمة سميتها ” الاشادة بالاغتصاب” فحال “الاشادة بالارهاب” كورّا النص ديال الفنانة باتو فالحبس نهار الجمعة! و أولهم رشيد الوالي و دنيا بطمة! لي قالّيك متضامنين مع سعد المجرد ! وا شوف هاد الناس لي كايتضامنو مع المغتصبين و المجرمين!

ايه سعد المجرد فنان مغربي و من بعد؟ لا الفن ديالو و لا تامغربيت ديالو و لا الزَين ديالو والا المسار الفني د واليديه ماكايشفع ليه فهاد المصيبة لي دار! يتكرفص على بنات الناس ! راه جريمة هادي !
بلا دوك الجرائد الالكترونية لي كادور فجناب حومة المجرد تسول العساس و الگارديان و مولات المسمن و الخياطة د مت سعد المجرد كي داير التعامل ديالو ؟ مزيان الله يعمرها دار ! و كي دايرين واليديه ! واليديه دراوش الله يعمرها دار !و كي تلقيتي الخبر ديال الحكم عليه بست سنين ؟ ! بقا فينا بزاف و الله ! مايديرهاش!

فحالا زعما غا حيت الله يعمرها دار و كايدوز يقول السلام للعساس و كايدور مرة مرة مع الگارديان راه مايمكنش يغتاصب وحدة ! زعما باش يكون مغتصب و يتضرب بست سنين خاصو يكون كايتمشى و جابد حجرو فالزنقة كايغوت “آ مولا نوبة “! فحال الكواي لي كايعيط ” آ لي عندها شي مقراج للكوا” ! سّي العساس سمح لينا بالزربة نتا آخر واحد نسمعو ليه فواقعة الاغتصاب ! خاصنا نسمعو للتيتيزات لي خرجو معاه و لي شطحو معاه فالكليبات ديالو و لي سهرو معاه هوما لي يقدرو يعطيونا مايفيد ! و فالعالم د هاد التيتيزات الهضرة دايرة و رايجة على انه السيد كايعجبو التجنديخ !

و بالرغم من انه هادي ماشي أول مرة و لكن شي المغاربة مجموع فيهم واحد الميلونج ديال الكالاخ و النية و العاطفة كوكطيل مولوطوڤ كايتخايلو المجرم بواحد الصورة نمطية بسيطة، خاصو يكون مضروب فوجهو و سنانو مخصرين و قبيح و كايسب عاد باش يتسمى مجرم بالرغم من أنه اعتى المجرمين المغتصبين و القتلة المتسلسلين فالعالم راه كانو فيهم مهندسين و اطباء و ناس كايبانو “بعقلهم ” و “مايديروهاش” !

مع كامل الأسف ! قادوس ديال الميزوجينية و الحگرة و احتقار المرأة و جسد المرأة تفرگع علينا الجمعة ! كاتبقى تشوف كاتقول مازال بزاف بزاف د الوقت خاص المغاربة باش يفهمو بأنه الاغتصاب راه جريمة “دبصح” ماشي دبلعاني !و بلي لي كايرتاكبها مجرم لا يستحق الشفقة !

إقرأ الخبر من مصدره

سهام البارودي – كود//

الادانة ديال سعد المجرد البارح بست سنين ديال الحبس مورا ماتبتات عليه جريمة الاغتصاب ! فيقات علينا جيوش ديال بوزبال لي كانو ناعسين هادي سبع سنين ! بوزبال لي نهار تشد سعد المجرد ففرانسا خرجوا قاليك باش يديرو وقفة احتجاجية كايغوتو “ليبيغي سعد سعد” و “مايديرهاش” و “آمبوسي ” ! جيوش د الجهال و الحمّاق و المرضى و الميزوجينيين ! بنادم لي كايصحاب بلي جسد المرا جفاف لي جا يمسح فيه رجليه !

انا كانشوف بلي ماشي غي سعد المجرد لي خاصو يتشد ! تاهاد الفنانة و الفنانات ! گاع هادو لي كايبارطاجيو تصاورو و كايتضامنو معاه ! تاهوما خاصهم يتشدو فالحبس بتهمة الاشادة بالاغتصاب ! فحالي كاينة تهمة الاشادة بالارهاب! السيد مجرم و المحكمة تبتات عليه الجريمة بالحجة و الدليل و ففرانسا بلاد فصل السلط! بلاد الحق و القانون د بصح ماشي د بلعاني ! و هاكاك مازال مابغاوش يحشمو ! مازال قاليك ” كلنا سعد ” ايوا راه بصح كلكم سعد ! كلكم مغتصبين ! كلكم حگارة ! كلكم كايصحابكم جسد المرا جفاف لي جا يمسح فيه رجليه !

و انا عاد نقدر نفهم ردة فعل بعض الرجال المغاربة ! لي موالفين يتكرفصو على العيالات و مايطرا ليهم والو ! كانتفهم ردة فعل واحد تال لهنا لهنا وهوا عايش فبلاد الى اغتصب فيها بنت يقدر يتجوج بيها بحكم المحكمة ! كاتجيه صعيبة يشوف بلي الناس فبلادات اخرى كاتشطحك الى تكرفصتي على المرا و لكن لي ماكايتفهمش ليا هوا ردة الفعل ديال شي باطرونات ! عيالات يا حسرة تاهوما قاليك بقا فيهم سعد ! بقا فيهم مغتصب ! و تاهوما كايروجو لديك الهضرة ديال ” و علاش مشات معاه “فحالا صافي غي مشات معاه راه من حقو ينعس معها بزز ! وا شوف على عقلية عند هاد الجاطرونات !

طليناه اخضر معاكم لا عيالات لا رجال ماكاينش ماتهز باللقاط ! كلشي متشبع بثقافة الاغتصاب ! كلشي كايشوف بلي الضحية تستاهل شنو طرا ليها و كلشي بقا فيه ” المجرم ! علاش ؟ حيت بيبيض و زويويون و كايغني الاغاني العاطفية!

و الله الى كون كانت شي جريمة سميتها الاشادة بالاغتصاب فحال الاشادة بالارهاب كورا النص د الفنانة المغاربة غاتلقاهم دابا فالحبس كايونسو حبيبهم سعد !

إقرأ الخبر من مصدره

هناك لحظات فارقة ، لكنها لائقة، ناهيك عن مقاربات تدعي قيمتها من المتح في مايمكن أن نعتبره ، نقدا ذا قيمة ، كلحظة حيوية لتطوير النقاش في  » العقيدة ».ومن بينها لحظتان.

اللحظة الاولى:هي ثنائية موضوع /ذات، غير انها لم تكن تحظى بالوعي المُفترض ، لذلك فالتحليل الخاص بها ،كان يفضي وبصورة شبه دائمة ، الى أن هذه الذات او بالأصح دور هذه الذات كان منفعلا ازاء مايجري على صعيد الموضوعي.ولم يكن ذلك فقط على مستوى المعالجات النظرية، بل وفي التاريخ أيضا، ولهذا ولأهداف المدرسة الغائية، اضحى الفهم لدور الوعي في التاريخ محدودا( على عكس تصور بليخانوف في كتابه » دور الفرد في التاريخ)،فيما منطق الواقع الراهن( على الاقل وطنيا) يقود الى  » اعادة النظر في تقديرنا لدور الوعي في التاريخ » الذي يبدو اكبر مما نتصور.(دور حكومة التناوب العام 97 بالمغرب يمكن ان تكون مِخبرا لهكذا تصور؟؟).

2/ اللحظة الثانية : النجاعة والجذرية الكاذبة؟؟

1/يحيلني في هذه اللحظة، ماجرى في كلية الآداب بفاس مؤخرا، الى الإنتباه،ان الثوروية ليست قرينة ذلك الموقف الذي يكتفي بمحاكاة السلطة السياسية دون الانطلاق من من محاكمة الثقافة المنتجة لتلك السلطة السياسية،وهو الموقف الذي من شأنه ان يحيلنا بطريق الاستنتاج الى تصدير « ثورة ماكروفيزيائية ».إذ هي في ذلك، تأخذ صرامة الموقف، معناه وجذرية المواجهة ، حين نكتشف السلطة الفعلية ، لاتسكن القصور الرئاسية، ولامقرات الحكومات ولاوزارات السيادة،بل هي تتقوقع في خيالات الناس ، وتتموضع في خيالاتهم،اوهامهم،في لغاتهم وكلامهم، في سلوكهم وافعالهم،في قيمهم ومعتقداتهم: انها محايثة لمجمل النسيج الاجتماعي ،ومنبثة في في كل اركانه ، وليست متعالية عليه او متمركزة في بؤرة يمكن الاشارة اليها ، وعليه،فكل من رامت نفسه مواجهة السلطة مواجهة فعلية،فليستعد لمواجهتها على أديم حلبتها المتخلخلة، يعني بالكلام الأخير؛ عليه ان يرسم طوبوغؤافيا جديدة لا تعترف بأي مكان للسلطة ، وتتعقبها في كل مظاهرها وتنزع عنها كل براقعها التي تتسربل بها، وورائها تتوارى.

3/ جوهر السلطة.وثنائية جلاد/ضحية؟؟

في مجمل القول، وعلى ضوء ما بيّناه سابقا، فإن السلطة ليست فقط جوهرا، ولكنها فعالية، ولذلك كانت تبدو في اكثر من لبوس ولبوس، وكلها هي وكلها ليست هي(انظر تنظيرات البؤس لدى ماسمي  » باليسار الجديد « ).

على قاعدة من هذه المعطيات وغيرها ، ستبدو لنا هشاشة (حتى لانقول سذاجة) التقسيم الهلامي:ضحية/جلاد. وحين نراعي صرامة التقييم ونعفيها من مناورات السياسة واعتباراتها، سنكتشف لامحالة أن الجلاد ليس سوى عودة الضحية، وانه لايعدو ان يكون مفعولا به وليس البتة سببا(ماجرى بظهر المهراز يجب ان يفهم من هذا المنطلق؟).

وفعلا ما إن نتحول ببصرنا عن التحديق في المستبد وأعوانه، حتى تتمظهر ضرورة التدقيق في جحافل الناس وفي تناظرها في الطباع وفي اساليب الحياة وانماط الكينونة، حتى نهلع بعدها ، لاستفحال الروح الانقيادية في مظاهر وجود الواحد منهم.انذاك ينبغي اليوم قبل الغد ، ان ندرك انه لتحقيق حلم ماركس(الفيلسوف وليس الإيديولوجي ) بمجتمع عادل عدالة فعلية لامشهدية او لفظية، وحلمه بافراد سواء في حظهم من الرشد ووقاره.ومن الحياة وصبوتها.نقول ، لتحقيق هذا الحلم لابد من اعتماد مخطط  » نيتشه » الذي لايقوم على تأثيم المس تغل او الدائن كما يسميه هو، بقدر ماينبغي تثوير » المدين ».

ربما، وهذا اعتقادنا، ستُنسف هذه المفارقة، لما تتعطل خيبة الامل ومعاناة تجربة الإحباط، وتكنس الاوهام ، الى النفاية .هذا وقع، لكن اغلبهم يعاند بمستوى يستحق الاشفاق.

إقرأ الخبر من مصدره